LGU Catarman, Camiguin – Isip suporta sa programang “Bayanihan, Bakunahan” ubos sa Proclamation 1253, gisugdan sa tanang Munisipyo sa Probinsya sa Camiguin ang unang adlaw sa National Vaccination Day.

Gideklarar ni Presidente Rodrigo Duterte ang Nobyembre 29 hangtod Disyembre 1 nga “Bayanihan, Bakunahan National Covid-19 Vaccination Days” isip lakang sa gobyerno sa pagpataas sa inoculation rate sa nasud batok sa Coronavirus Disease 2019 (Covid-19). Kining maong programa nagtumong sa pagbakuna sa 15 ka milyon nga mga Pilipino sa tibuok Pilipinas.

Sa LGU Catarman, apil ang mga trabahante sa Department of Labor and Employment (DOLE) Camiguin sa pag hatag ug assistance pinaagi sa Public Employment Service Office (PESO) isip usa ka encoder sa VIMS Program.